Էլմար Մամեդյարովն այսօր մեկնում է Մոսկվա
Ռուսական Regnum լրատվական գործակալության փոխանցմամբ՝ Ադրբեջանի արտգործնախարար Էլմար Մամեդյարովն այսօր երկօրյա պաշտոնական այցով ժամանում է Մոսկվա: Այս մասին հայտնել են ադրբեջանական ԶԼՄ-ները:
Վերջիններիս հաղորդմամբ՝ Մամեդյարովը Ռուսաստանի արտգործնախարար Սերգեյ Լավրովի հետ քննարկելու է երկկողմանի, տարածաշրջանային ու միջազգային հարցեր:
Փորձագետները կարծում են, որ ռուս-ադրբեջանական հարաբերությունների ներկայիս վիճակը գոհացուցիչ չէ:
Ոչ վաղ անցյալում Ադրբեջանում փակվեց ռուսական ռազմաբազան՝ Գաբալայի ռադիոտեղորոշիչ կայանը: Բացի այդ, Ռուսաստանը դադարեցրել է «Բաքու-Նովոռոսիյսկ» խողովակաշարով ադրբեջանական նավթի տարանցման մասին պայմանագրի գործողությունները:
