Իրանում բացվել է ՀՕՊ-ի նոր համակարգի արտադրության գործարանը
Իրանական IRNA լրատվական գործակալության փոխանցմամբ՝ Իրանում այսօր տեղի է ունեցել հակաօդային պաշտպանության նոր համակարգի արտադրության գործարանի բացումը: Բացման արարողակարգին մասնակցել է Պաշտպանության նախարար Ահմադ Վահիդին:
Վերջինիս խոսքերով՝ հայրենական արտադրության նոր համակարգը, որը ստացել է Herz 9 անվանումը, արտադրվելու է զանգվածաբար: Վահիդին ընդգծել է, որ այն ունակ է ավտոմատ հայտնաբերել մանր բարձրության վրա գտնվող թիրախները և շարժական է:
Նախորդ շաբաթ Իրանի պաշտպանության նախարարությունը հայտարարել է, որ առաջիկա օրերին Իրանը պլանավորել է ներկայացնել պաշտպանական ոլորտում իր 5 նոր նվաճումները:
