Բաքուն օրենսդրական մակարդակով «Բեռլինյան պատ» է կառուցում հայերի ու ադրբեջանցիների միջև. Regnum
Ռուսական Regnum լրատվական գործակալության փոխանցմամբ՝ Ադրբեջանի քաղաքացին, ով կհամագործակցի Հայաստանի որևէ կառույցի կամ կազմակերպության հետ՝ ընդհուպ մինչև կորսված տարածքների լիակատար վերադարձը, կենթարկվի քրեական պատասխանատվության: Այս մասին հայտնել են ադրբեջանական ԶԼՄ-ները: Վերջիններիս հաղորդմամբ՝ տվյալ ձևակերպումը տեղ է գտել «Ադրբեջանի Հանրապետության օկուպացված տարածքների մասին» նոր օրինագծի 7-րդ հոդվածում:
Դրանում ասվում է, որ Ադրբեջանի Հանրապետության քաղաքացիները (բացառությամբ կենտրոնական գործադիր կառույցների ներկայացուցիչների, որոնք մասնկացում են Ղարաբաղյան բանակցային գործընթացին և դիվանագիտական առաքելությունների ու անձանց, որոնք համապատասխան լիազորություններ են ստացել խորհրդարանի որոշմամբ), որոնք կհամագորակցեն Հայաստանի պետական և ոչ պետական կառույցների, դատական ու օրենսդիր մարմինների, քաղաքական կուսակցությունների, հասարակական միավորումների, ԶԼՄ-ների, պետական ու մասնավոր կոմերցիոն և ոչ կոմերցիոն ձեռնարկատիրական օբյեկտների ու դրանց ներկայացուցիչների հետ, կենթարկվեն քրեական պատասխանատվության՝ համաձայն Ադրբեջանի Հանրապետության Քրեական օրենսգրքի:
