ԱՄՆ-ը «անհաջող որոշում» է որակել ՌԴ-ի կողմից Սիրիային թևավոր հրթիռների հատկացումը
Ռուսական ИТАР-ТАСС լրատվական գործակալության փոխանցմամբ՝ ԱՄՆ կարծում է, որ Ռուսաստանի կողմից Սիրիային Яхонт տիպի հականավային թևավոր հրթիռներ տրամադրելը անհաջող որոշում է: Այս մասին երեկ հայտարարել է ԱՄՆ զինված ուժերի շտաբների պետերի կոմիտեի ղեկավար Մարտին Դեմփսին. «Դա անհաջող որոշում է»:
Դեմփսիից առաջ էլ ԱՄՆ պետդեպարտամենտի պաշտոնական ներկայացուցիչ Ջոն Պսակին, մեկնաբանելով ԶԼՄ-ների հրապարակումները, հայտարարել էր, որ ԱՄՆ-ը տեղյակ չէ Սիրիային ռուսական Яхонт տիպի հականավային թևավոր հրթիռների հատկացման մասին:
Փորձագետներն այդ հրթիռները որակել են որպես «նավերի իրական մարդասպան»:
