Էրդողանը Գազայի հատված կմեկնի հունիսին
Ռուսական РИА Новости լրատվական գործակալության փոխանցմամբ՝ Թուրքիայի վարչապետ Ռեջեփ Էրդողանն ԱՄՆ նախագահ Բարաք Օբամայի հետ համատեղ մամուլի ասուլիսի ժամանակ հայտարարել է, որ Գազայի հատված կայցելի հունիսին.
«Ամենայն հավանականությամբ, ես Գազա կմեկնել հունիսին: Ես շատ մեծ նշանակություն եմ տալիս իմ այդ այցին՝ Մերձավոր Արևելքի խաղաղության գործընթացի շրջանակներում: Ես կարծում եմ, որ իմ այցը ներդրում կունենա Պաղեստինում հաշտեցման գործընթացում»:
Էրդողանն ընդգծել է, որ ավելի ուշ պլանավորել է այցելել Հորդանան գետի Արևմտյան ափ. «Բնականաբար, խոսքը չի գնում կողմերից մեկին աջակցելու մասին»: Նշվում է, որ Էրդողանն ԱՄՆ է այցելում 15-րդ անգամ:
Ապրիլի վերջին Ստամբուլ կատարած այցի ժամանակ ԱՄՆ պետքարտուղար Ջոն Քերին հայտարարել էր, որ Էրդողանը պետք է սպասի ավելի հարմար ժամանակի՝ Գազա այցելելու համար: Դա հարուցել էր Թուրքիայի իշխանությունների սուր արձագանքը:
