Նոր Google Maps-ը հայտնվել է և անհետացել, սակայն սքրինշոթերը մնացել են (լուսանկարներ)
Արդեն երկար ժամանակ է խոսակցություններ են պտտվում այն մասին, որ Google-ը պատրաստվում է ներկայացնել Google Maps-ի նոր տարբերակը: Այսօր այն «արտահոսել» է կարճ ժամանակահատվածով, իսկ հետո անհետացել: Հավանաբար քարտեզների նոր տարբերակի մասին կհայտարարվի հենց վաղը, իսկ ինչ այդ կարելի է նայել, թե ինչ է այն իրենից ներկայացնում:
Նոր, թարմացված ծառայությունն իր մեջ ներառում է տարբեր տվյալներ, այդ թվում նաև պատկերներ Google Earth-ից, օդանավերի թռիչքների մասին որոնման հնարավորությունը, ինչպես նաև՝ ուղիները գտնելու բարելավված համակարգը:
Հետաքրքիր է, որ ծառայությունը որակվում է որպես «քարտեզներ, որոնք որքան շատ ես օգտագործում, այնքան դրանք ավելի լավն են դառնում»: Խոսքը թերևս այն մասին է, որ քարտեզները օգտվողին կհուշեն տեղեկատվություն այնքանով, որքանով որ կճանաչեն վերջինիս սովորությունները:
Ավելին «խելացի որոնումը» անմիջապես փնտրում է ոչ միայն տարածություն, այլև օգտվողների վարկանիշները, ուղղությունները, ինչպես նաև քարտեզների տարածքները:
