Լևոն Արոնյանը հեշտությամբ հաղթում է Ջոն Լյուդվիգ Համերին. Ստավանգեր
Նորվեգիայի Ստավանգեր քաղաքում ընթացող շախմատային գերմրցաշարում Լևոն Արոնյանը երկրորդ հաղթանակը տարավ: 6-րդ տուրում սպիտակներով խաղացող Հայաստանի ուժեղագույն գրոսմայստերից ընդամնեը 24 քայլ պահանջվեց նորվեգացի Ջոն Լյուդվիգ Համերին պարտության մատնելու համար: Այժմ Արոնյանն իր ակտիվում ունի 3.5 միավոր:
Հիկարու Նակամուրա (ԱՄՆ) – Պյոտր Սվիդլեր (Ռուսաստան) և Վեսելին Թոփալով (Բուլղարիա) – Հաո Վանգ (Չինաստան) պարտիաները խաղաղ ելք ունեցան:
Վիշվանաթհան Անանդ (Հնդկաստան) – Սերգեյ Կարյակին (Ռուսաստան) և Մագնուս Կարլսեն (Նորվեգիա) – Թեյմուր Ռաջաբով (Ադրբեջան) պարտիաները դեռ չեն ավարտվել:
Մարզական լրահոսն ապահովում է SportArmenia.com-ը
