Դոլարը պատրաստվում է նոր թռիչքի՞
«ՆԱՍԴԱՔՕԷՄԷՔՍ Արմենիա» բորսայում այսօր՝ մայիսի 13-ին, արտարժութային գործարքներ տեղի չեն ունեցել։ Դոլարն առաջարկվել է 417 դրամով, սակայն պահանջարկի գինը չի գերազանցել 416.85 դրամը։
Հիշեցնենք, որ մայիսի 8-ին՝ նախորդ շաբաթվա վերջին աշխատանքային օրը, դոլարի միջին բորսայական փոխարժեքը կազմել էր 416.51 դրամ։
Այսինքն, կարելի է ենթադրել, որ արտարժույթի շուկայում ձևավորվում են սպասումներ՝ դրամի արժեզրկման ուղղությամբ։
