Սիրիայում անջատվել են համացանցը և բջջային կապը
Եգիպտական MENA լրատվական գործակալության փոխանցմամբ՝ Սիրիայի բազում շրջաններում անցած գիշեր անջատվել է համացանցն ու միջազգային կապը: Այս մասին հայտնել է Սիրիայի հեռահաղորդակցության գլխավոր վարչության ղեկավար Բաքր Բաքրը:
Վերջինիս խոսքերով՝ դրա պատճառը օպտիկամանրաթելային մալուխի վնասվելն է: Նա հավելել է, որ վերանորոգման բրիգադներն աշխատում են խնդրի լուծման ուղղությամբ և մոտ ժամանակներս կվերականգնվի արտաքին աշխարհի հետ կապը: Syria-news լրատվական պորտալն իր հերթին հայտնում է, որ երկրի քաղաքների մեծ մասում անջատվել է նաև բջջային կապը:
