Թուրքիայի և ՆԱՏՕ-ի գիտատեխնիկական ու կապի կառույցները կհամագործակցեն միմյանց հետ
Թուրքական Internet Haber լրատվական պորտալի փոխանցմամբ՝ Թուրքիայի գիտատեխնիկական հետազոտությունների կենտրոնը (TÜBİTAK) և ՆԱՏՕ-ի կապի ու տեղեկատվության գործակալությունը (NCIA) համաձայնագիր են ստորագրելու հետազոտությունների ու մշակումների ոլորտում համագործակցելու համար:
Համաձայնագրով նախատեսվում է համագործակցություն գիտելիքների ու փորձի փոխանակման ոլորտում, ինչպես նաև տեխնոլոգիաների զարգացման ոլորտում: Համաձայնագիրը ստորագրելու են TÜBİTAK-ի նախագահ Յուջել Ալթունբաշաքը և NCIA-ի գլխավոր տնօրեն Քոհեն Գիյսբերգը:
