Թուրքիայի ԱԳՆ-ը հերքել է Իսրայելի ու արաբական երկրների հետ Իրանի դեմ պաշտպանական համակարգ ձևավորելը
Թուրքական Anadolu լրատվական գործակալության փոխանցմամբ՝ Թուրքիայի ԱԳՆ-ը երեկ հերքել է բրիտանական Sunday Times-ի այն հրապարակումը, որ Թուրքիան Իսրայելի ու արաբական երեք երկրի հետ ձևավորում է պաշտպանական համակարգ՝ ընդդեմ Իրանի:
Թուրքիայի ԱԳՆ-ի պաշտոնական ներկայացուցիչ Լևեն Գյումրյուքչյուն հերքել է այ տեղեկատվությունը՝ թուրք հասարակությանը խելամտության կոչ անելով նման զգայուն ժամանակաշրջանում: Նա հայտարարել է, որ Sunday Times-ի տարածած տեղեկատվությունը չի համապատասխանում իրականությանը և հանդիսանում է մանիպուլյացիա:
Sunday Times-ը, վկայակոչելով իսրայելցի անանուն չինովնիկի, հայտնել էր, որ Իսրայելը, Թուրքիայի, Սաուդյան Արաբիայի, ԱՄԷ-ի ու Հորդանանի հետ միասին («4+1») ստեղծում է իրանական բալիստիկ հրթիռներից պաշտպանվելու համակարգ:
