Արարատի մարզում «Մերսեդես»-ը շրջվել է
Մայիսի 3-ին, ժամը 17.36-ին տեղեկատվություն է ստացվել, որ Արարատի մարզում գտնվող «Մասիս տոբակո» ՍՊԸ-ի մոտակայքում տեղի է ունեցել ՃՏՊ, կա տուժած: Անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Տեղում պարզվել է, որ դեռևս չբացահայտված հանգամանքներում «Մերսեդես» մակնիշի 80 NN 880 պետհամարանիշի ավտոմեքենան դուրս է եկել ճանապարհի երթևեկելի հատվածից և կողաշրջվել:
Հրշեջ-փրկարարներն ավտոմեքենայից դուրս են բերել վարորդին, ով տեղափոխվել է Մասիս քաղաքի բժշկական կենտրոն:
Ըստ բժիշկների` տուժածի առողջական վիճակը գնահատվել է բավարար:
