ՀՅԴ-ն միակն է, որի ցուցակը գլխավորում է ղեկավար կազմը՝ Գերագույն մարմնի ներկայացուցիչը
Քիչ առաջ «Ազնավուրի» անվան հրապարակում մեկնարկեց ՀՅԴ հանրահավքը: Ելույթով հանդես եկավ ԱԺ ՀՅԴ խմբակցության պատգամավոր Արծվիկ Մինասյանը: Ամփոփելով Երևանի ավագանու ընտրությունների քարոզարշավը, Ա. Մինասյանն ասաց, որ ՀՅԴ-ն իր ամբողջ թիմով հանդիպումներ ունեցավ մայրաքաղաքի վարչական շրջաններում, իր ծրագրերը ներկայացրեցին ոչ միայն բակային հանդիպումների ժամանակ, այլև՝ հեռուստաեթերում:
Նրա խոսքով՝ ՀՅԴ-ն կարողացավ ներկայանալ ամբողջական թիմով, իր վճռականությամբ, պատրաստ, որ մայիսի հինգին քաղաքացու քվեն ստանալով՝ ՀՅԴ-ն ձևավորվելու է ազգային միասնության ու Հայաստանը փոխող քաղաքային նոր իշխանություն: Ըստ Արծվիկ Մինասյանի՝ ՀՅԴ ցուցակը կազմված է քաղաքական բարձրագույն մակադակով.
«Ոչ մի այլ քաղաքական ուժի մոտ ղեկավար կազմը չէ, որ տանում ցուցակն առաջ, իսկ ՀՅԴ-ն միակն է, որի ցուցակը գլխավորում է Գերագույն մարմնի ներկայացուցիչը՝ Արմեն ռուստամյանը, իսկ երկրորդ համարում ԳՄ փոխներկայացուցիչն է և այլն: Մեր ցանկը կազմված է նաև մասնագիտական ու պրոֆեսիոնալ անկուսակցական ներկայացուցիչներից, իսկ մեզ միավարող մեկ ընդհանուր արժանիքը, պատվախնդրությունն է, հայրենիքը իբրև ծնող սիրող հայերի ցանկ է»:
