Նաիրա Զոհրաբյանը՝ «Բարև Երևանին». Թող դատի տան
«Թող «Ժառանգությունը» դատի տա»,- 168.am-ի հետ զրույցում այսպես պատասխանեց ԱԺ «Բարգավաճ Հայաստան» խմբակցության քարտուղար Նաիրա Զոհրաբյանը՝ պատասխանելով հարցին, թե ինչպե՞ս են իրենք վերաբերվում «Ժառանգություն» խմբակցության քարտուղար Զարուհի Փոստանջյանի այն հայտարարությանը, որ իրենք հանցագործության մասին հաղորդումով դիմելու են ՀՀ գլխավոր դատախազություն և Հատուկ քննչական ծառայություն:
Հիշեցնենք, որ «Բարև Երևան» դաշինքը ԲՀԿ Տիգրան Ուրիխանյանին մեղադրում է իրենց հասցեին զրպարտչական տեղեկություններ տարածելու մեջ: Իսկ զրպարտչականը այն է, որ Ուրիխանյանը հայտարարել է, որ նախագահական ընտրությունների ժամանակ տեղամասային ընտրական հանձնաժողովներում «Ժառանգության» տեղերը լցվել են ՀՀԿ ներկայացուցիչներով:
