Պռոշյանում նոր գյուղապետ կընտրեն
ՀՀ կառավարությունն այսօրվա նիստում ընդունել է Կոտայքի մարզի Պռոշյանի գյուղական համայնքի ղեկավարի լիազորությունները վաղաժամկետ դադարեցնելու, համայնքի ղեկավարի արտահերթ ընտրություն նշանակելու, անցկացնելու և ընտրության նախապատրաստման ու անցկացման ծախսը ֆինանսավորելու որոշում։
Հիշեցնենք, որ Պռոշյանի նախկին գյուղապետ Հրաչ Մուրադյանը սպանվել էր ապրիլի 2-ին։ Նրա դին հայտնաբերվել էր ժամը 9-ի սահմաններում, Կոտայքի մարզի Պռոշյան գյուղի գյուղապետարանի դիմաց։ Մուրադյանը մահացել էր աջ քունքի շրջանում արձակած հրազենային վնասվածքից:
