Ընդդեմ երևանցու. մամուլ
«Այս կիրակի տեղի ունենալիք Երևանի ավագանու ընտրություններում՝ իշխող Հանրապետական կուսակցությունն իր ցուցակի օգտին ձայներ ապահովելու համար, անխնա կերպով շարունակում է չարաշահել վարչական ռեսուրսն ու իշխանական լծակները»,- գրում է «Հայկական Ժամանակ» օրաթերթն ու շարունակում.
«Դեռ շաբաթներ առաջ տեղեկություններ կային, որ Հայաստանի զինված ուժերում հրահանգ է իջեցվել երևանյան գրանցում ունեցող բոլոր զինվորներին և սպաներին հինգ օրով արձակուրդ տալ, որպեսզի նրանք մասնակցեն ավագանու ընտրություններին։
Երեկ սակայն հայտնի դարձավ, որ զինվորներին արձակուրդ է տրվել ոչ թե հինգ, այլ ընդամենը երեք օրով։ Ընդ որում Երևանից ոչ հեռու գտնվող զորամասերից Երևանյան գրանցում ունեցող զինվորներին տրվելու է մեկ օր։
ՀՀԿ-ն, որ ընթացքում գործի է դրել մարզպետարաններին, դպրոցներին, երևանյան գրանցում ունեցողների զանազան ցուցակներ է կազմում և ուղարկում ՀՀԿ ղեկավարությանը, այս անգամ ևս ընտրություններին մասնակից է դարձնելու բանակին»։
