«Սերժ Սարգսյանն առաջիկա տարիներին խոշոր փոփոխություններ չի կատարի»
Հայաստանի գործատուների միության նախագահ Գագիկ Մակարյանի համոզմամբ, կառավարությունը խիզախ քայլերի կարիք ունի: Գ. Մակարյանից հետաքրքրվեցինք, թե հնարավո՞ր է արդյոք այդ խիզախությունն ակնկալել` հաշվի առնելով, որ վարչապետի փոփոխությունը չեղավ: Գագիկ Մակարյանը մեր հարցին ի պատասխան ասաց, որ Սերժ Սարգսյանն առաջիկա տարիներին խոշոր փոփոխություններ չի կատարի ինչպես արտաքին քաղաքականության, այնպես տնտեսության հարցում.դրա մասին են վկայում նաև արտաքին գործերի նախարարի և վարչապետի վերանշանակումները: Գագիկ Մակարյանի կարծիքով, այստեղ կարելի է տրամաբանություն փնտրել: «Կա հայտնի արտահայտություն` ճանապարհի կեսին ձիերին չեն փոխում: Հիմա այստեղ այս լոգիկան է աշխատում. եթե որոշակի ռեֆորմներ ինչ-որ արդյունքներ արդեն սկսել են տալ և այդ քաղաքականության փոփոխությունը հանկարծ կարող է ռիսկ առաջացնել, գուցե իմաստ չունի: Դրա համար նախագահ Սերժ Սարգսյանը, նույն մարդկանց պահելով, նույն կուրսն է շարունակելու»,-ասաց Գագիկ Մակարյանը:
