Ադրբեջանցի զինծառայող է վիրավորվել
Ադրբեջանական APA լրատվական գործակալության փոխանցմամբ՝ ադրբեջանական բանակում գրանցվել է հերթական միջադեպը: Այն գրանցվել է ճակատամերձ շրջանի զորամասերից մեկում:
Այստեղ զինծառայող Վյուսալ Ռովշանօղլու Ջաբիևը վիրավորվել է ծառայողական զենքից արձակված կրակոցից: Վիրավոր զինծառայողին տեղափոխել են հոսպիտալ: Նշվում է, որ միջադեպը գրանցվել է անվտանգության կանոնների խախտման հետևանքով:
Ադրբեջանի պաշտպանության նախարարության մամուլի ծառայության պետի տեղակալ Թեյմուր Աբդուլաևը հաստատել է զինծառայողի վիրավորվելը:
