ԲՀԿ-ն պայքարում է Նոր Հաճնի համար
Նոր Հաճնի քաղաքապետի մայիսի 26-ի ընտրություններին սահմանված ժամկետում՝ մինչև ապրիլի 26-ի ժամը 18-ը, առաջադրվել է երեք թեկնածու: Այս մասին «Փաստինֆո»-ի թղթակցին հայտնեց Կոտայքի մարզի թ.27 ընտրատարածքային ընտրական հանձնաժողովի նախագահ Նաիրի Մանուկյանը:
Նոր Հաճնի քաղաքապետի պաշտոնին հավակնում են 2009թ.-ից գործող քաղաքապետ, «Բարգավաճ Հայաստան» կուսակցության կողմից առաջադրված ԲՀԿ-ական Գագիկ Մաթևոսյանը և ինքնաառաջադրված՝ ՀՀ Նախագահի աշխատակազմի աշխատակից Շուշանիկ Նազարյանը ու Նոր Հաճնի քաղաքապետարանի աշխատակից Հովհաննես Ադամյանը:
