Սիրիայում մարտերի ժամանակ վնասվել է աշխարհի ամենահայտնի մզկիթներից մեկը
Ռուսական Интерфакс լրատվական գործակալության փոխանցմամբ՝ Սիրիայի հյուսիսում գտնվող Հալեպ քաղաքում կառավարական ուժերի ու ապստամբների միջև ծավալված մարտերի ժամանակ կործանվել է 13-րդ դարում կառուցված Օմայանների մզկիթի աշտարակը:
Այս մասին երեկ հայտնել են սիրիացի ընդդիմադիրները: Նրանց ներկայացուցիչը հայտնել է, որ մզկիթի աշտարակը կործանվել է հրետակոծության հետևանքով: Սիրիացի ապստամբների կարծիքով՝ մզկիթի հրետակոծոմը «կանխամտածված հարձակում» է:
Նշվում է, որ այդ մզկիթն իսլամական աշխարհի ամենահայտնի մզկիթներից մեկն է: Այն Հալեպի խոշորագույն և հնագույն մզկիթն է և ներառված է UNESCO-ի համաշխարհային ժառանգության ցուցակում:
