Թուրքիան մտադիր է ստեղծել «օդային ոստիկանություն»
Ռուսական РИА Новости լրատվական գործակալության փոխանցմամբ՝ Թուրքիան մտադիր է ստեղծել «օդային ոստիկանություն»: Վերջինիս աշխատակիցներն ապահովելու են քաղաքացիական ինքնաթիռների անվտանգությունը և թույլ չեն տա կասկածելի ուղևորների մուտքն այդ օդանավեր:
Ակնկալվում է, որ «օդային ոստիկանությունը» կստեղծվի շուտով: Համապատասխան օրինագիծը դիտարկում է Թուրքիայի խորհրդարանը: Դա կապված է նրա հետ, որ Թուրքիայում քանիցս ձեռնարկվել են մարդատար օդանավերի առևանգման փորձեր, ինչպես նաև, որ գործնականում ամեն օր թուրքական ոստիկանությունն ահազանգեր է ստանում օդանավերում ռումբերի առկայության մասին, որոնց մեծ մասը կեղծ են լինում:
Օրինագիծը մշակել է Թուրքիայի տրանսպորտի նախարարությունը, ինչը միտված է օդային տրանսպորտի անվտանգության մեծացմանը: Անհրաժեշտության դեպքում օդային վտանգների վերացման գործընթացում կներգրավվի Գլխավոր շտաբը:
