Բորիս Բերեզովսկու հուղարկավորությունը կարող է տեղի ունենալ մայիսից ոչ շուտ
Բրիտանական BBC ռադիոկայանի փոխանցմամբ՝ բրիտանացի պաթոլոգանատոմներից ռուս գործարար Բորիս Բերեզովսկու մահվան պատճառները պարզելը կպահանջի նվազագույնը վեց շաբաթ:
Դա նշանակում է, որ Բորիս Բերեզովսկու հուղարկավորությունը կարող է ամենաշուտը տեղի ունենալ մայիսի սկզբին: Միևնույն ժամանակ բրիտանական Guardian թերթը, վկայակոչելով գործարարի մերձավորներին, այսօր հայտնել է, որ դիահերձման ժամանակ Բերեզովսկու մոտ հայտնաբերվել է ազդրի կոտրվածք, սակայն դրա հետ մեկտեղ Բերեզովսկու մարմնին չեն հայտնաբերվել կապտուկներ:
Այս շաբաթվա սկզբին կատարված դիահերձման արդյունքներով բրիտանական ոստիկանությունը հայտարարել է, որ Բերեզովսկու մարմնի վրա չեն հայտնաբերվել բռնության հետքեր:
