Սերժ Սարգսյանին ընտրած քաղաքացին «մայկա, տրուսիկով» հացադուլ կսկսի (տեսանյութ)
Aravot.am-ի հաղորդմամբ՝ Սերժ Սարգսյանին ընտրած Սերգեյ Գեղամյանը Ազատության հրապարակում երեկ մեծ աղմուկ էր բարձրացրել: Նա այն կարծիքին է, որ հետընտրական զարգացումները Հայաստանին ոչ մի օգուտ չեն բերի. «Հայ ազգի մասին պետք է մտածենք…պետությունը մնում է պետություն»,- Ր. Հովհաննիսյանի հացադուլից դժգոհել է Սերժ Սարգսյանի ընտրողը:
Նա այնքան է բարկացել, որ խոստացել է ինքն էլ իր հերթին «տկլոր, տրուսիկ, մայկայով» Ազատության հրապարակ գա ու հացադուլ սկսի. «Ես էլ հաց չեմ ուտի, թող էն պառկողն էլ չուտի, տեսնենք` ով ողջ կլինի»: Ս. Գեղամյանի պատմելով, ինքը 32 տարի հանցագործության դեմ է պայքարել. «Իսկ սրանք ի՞նչ են արել, թալանելու համար են գալիս»:
Ր. Հովհաննիսյանի հացադուլը անիմաստ համարող Սերժ Սարգսյանին ընտրած քաղաքացին, մատնացույց անելով Ր. Հովհաննիսյանին, հավելել է. «Տղեն թող գնա բանակ ծառայի: Թող նրա տղեն քաղաքացիություն ընդունի, նոր ծառայի»:
Ս. Գեղամյանը նաև վրդովված պատմել է, որ իր միակ որդին Ղարաբաղում զոհվել է, հետո սպառնացել` «Ես դրանց կսպանեմ»: Այս ասելուց հետո նրա ու Ր. Հովհաննիսյանի համակիր կանացից մեկի միջև կռիվ է սկսել:
Կինը նրա օձիքից բռնել է, հրացրել, թե ում է սպանելու ու մի քանի անգամ քաշքշելուց հետո սպառնացել` չհամարձակվես, գիտես քեզ ինչ կանեմ:
Մանրամասները՝ aravot.am-ի տեսանյութերում:
