Ֆրանցիսկոս I-ը պապական գահին կբազմի մարտի 19-ին
Ռուսական РИА Новости լրատվական գործակալության փոխանցմամբ՝ Հռոմի նոր պապ Ֆրանցիսկոս I-ը պապական գահին կբազմի մարտի 19-ին, երբ տեղի կունենա գահակալման արարողությունը: Այս մասին լրագրողներին հայտնել է Սուրբ գահի պաշտոնական ներկայացուցիչ Ֆեդերիկո Լոմբարդին:
Մինչ այդ նորընտիր Պապը հանդիպումներ կունենա բոլոր կարդինալների հետ: Բուենոս Այրեսը ներկայացնող 76-ամյա արքեպիսկոպոս Խորխե Մարիո Բերգոլիոն երեկ ընտրվել է 266-րդ Հռոմի պապ և ընդունել Ֆրանցիսկոս I անունը: Նա ծնվել է Արգենտինայում, իտալացի ներգաղթյալի ընտանիքում և հանդիսանում է առաջին ոչ եվրոպացի Հռոմի պապը:
