Մենք կարող ենք ուղղել ամեն ինչ. Լիոնել Մեսսի
«Բարսելոնայի» հարձակվող Լիոնել Մեսսին կարծում է, որ իր թիմը կարող է հաղթահարել «Միլանի» արգելքը:
«Չի կարելի ասել, որ «Բարսելոնան» ճգնաժամի մեջ է: Մենք պարտվել ենք երկու մեծագույն ակումբների` «Միլանին» և «Ռեալին»: Ճիշտ է, մեր ֆուտբոլը հեռու էր անթերի լինելուց, սակայն իտալացիների հետ դիմակայությունում դեռ 90 րոպե ունենք իրավիճակը փրկելու համար:
Մենք կարող ենք ուղղել ամեն ինչ: «Բարսելոնան» բազմիցս ապացուցել է, որ կարող է հաղթահարել ցանկացած խոչընդոտ: Այժմ մեր գլխավոր նպատակը «Միլանին» հաղթելը և Չեմպիոնների լիգայի 1/4 եզրափակիչ դուրս գալն է: Չենք կարող անհաջողության մատնվել այս մրցաշրջանում», – Մեսսիի խոսքերը մեջբերում է Sky Sports-ը:
Հիշեցնենք, որ ՉԼ 1/8 եզրափակչի առաջին խաղում «Միլանը» սեփական հարկի տակ 2:0 հաշվով առավելության է հասել «Բարսելոնայի» նկատմամբ:
Մարզական լրահոսն ապահովում է SportArmenia.com-ը
