Superjet-ը արտակարգ վայրէջք է կատարել Մոսկվայի «Շերեմետևո» օդանավակայանում
Մոսկվա-Նիժնի Նովգորոդ չվերթն իրականացնող Sukhoi Superjet 100 ուղևորատար օդանավը ստիպված է եղել ետ վերադառնալ և վայրէջք կատարել Մոսկվայի «Շերեմետևո» օդանավակայանում։ Այս մասին հաղորդում է Ռուսաստանի ԱԻՆ-ը՝ տեղեկացնելով, որ օդանավի շասսիները չեն փակվել։
Օդանավում գտնվել է 84 մարդ` 77 ուղևոր եւ անձնակազմի 7 անդամներ: Նրանցից ոչ ոք չի տուժել։
SSJ 100 օդանավերի հետ կապված խնդիրները նորություն չեն։ Նախորդ ամիս «Աէրոֆլոտը» ստիպված էր դադարեցնել իր 10 Sukhoi Superjet 100 օդանավերից 4-ի թռիչքները, քանի որ «Ռոսավիացիան» դրանցում թերություններ էր հայտնաբերել և օդանավերն ուղարկվել էին վերանորոգման:
