Ոստիկանները կանխել են հարսնացուի առևանգումը
Շիրակի մարզի բնակիչ 23-ամյա Նորայր Հայրապետյանը ամուսնության նպատակով՝ Գևորգ Հակոբյանի, Մնացական Հայրապետյանի և Իշխան Հակոբյանի հետ փորձել են առևանգել Է.Շաբոյանին: Ոստիկանության աշխատակիցները, տեսնելով աղջկա առևանգումը, հետապնդել են նրանց և բերման ենթարկել ոստիկանություն:
Գործը քննվում է Շիրակի մարզի ընդհանուր իրավասության դատարանում՝ դատավոր Հարություն Մովսեսյանի նախագահությամբ:
Նորայր Հայրապետյանը, Գ.Հակոբյանը, Մ.Հայրապետյանը, Ի.Հակոբյանը մեղադրվում են ՀՀ քրեական օրենսգրքի 34-131-րդ հոդվածի 2 մասի 1 կետով: Նորայր Հայրապետյանի նկատմամբ խափանման միջոց է ընտրվել կալանավորումը, իսկ մյուսները գրավի դիմաց բաց են թողնվել:
Հաջորդ դատական նիստը տեղի կունենա մարտի 14-ին:
