Ադրբեջանի ԱԳՆ-ը պարզաբանում ու ներողություն է պահանջում Չեխիայից
Ադրբեջանական APA լրատվական գործակալության փոխանցմամբ՝ Ադրբեջանի ԱԳՆ-ի մամլո ծառայության ղեկավար Էլման Աբդուլաևը հայտարարել է, որ իրենք պարզաբանում են սպասում Չեխիայի արտգործնախարար Կարել Շվարցենբերգից՝ Պրահայում People in Need կազմակերպության պարգևատրման արարողության ժամանակ արած հայտարարության համար.
«Եթե Չեխիայի արտգործնախարարն իսկապես այդպես է արտահայտվել, ինչպես որ նշված է մամուլում, ապա մենք կարծում ենք, որ դա ոչ օբյեկտիվ է ու անլուրջ: Մենք ցանկանում ենք, որ Չեխիան պարզություն մտցնի այդ հարցում և ներողություն խնդրի»:
Նշվում է, որ մամուլը տեղեկատվություն էր տարածել, թե Շվարցենբերգը վերոնշյալ միջոցառման ժամանակ քննադատության է ենթարկել Ադրբեջանում մարդու իրավունքների շուրջ տիրող իրավիճակը:
