ԵՊՀ-ում դեկանի ընտրություններ են անցկացվելու
Երևանի պետական համալսարանի մաթեմատիկայի և մեխանիկայի ֆակուլտետի դեկան Արթուր Սահակյանի, ժուռնալիստիկայի ֆակուլտետի դեկան Նաղաշ Մարտիրոսյանի, կենսաբանության ֆակուլտետի դեկան Էմիլ Գևորգյանի և ֆիզիկայի ֆակուլտետի դեկան Ռոլանդ Ավագյանի պաշտոնավարման ժամկետները լրանալու պատճառով նշված ֆակուլտետներում ապրիլի 5-ից 18-ը տեղի կունենան դեկանի ընտրություններ:
ԵՊՀ ֆակուլտետների դեկաններն ընտրվում են դասախոսներից և ուսանողներից կազմված ֆակուլտետի խորհրդում՝ փակ, գաղտնի քվեարկությամբ, 5 տարի ժամկետով: Դեկանի պաշտոնի թեկնածուներն առաջադրվում են ֆակուլտետի կառուցվածքային ստորաբաժանումների (ամբիոնների, գիտական լաբորատորիաների) կողմից կամ ինքնառաջադրմամբ։ Թեկնածուների առաջադրումը դադարեցվում է ընտրություններից 15 օր առաջ։
