Մյասնիկ Մալխասյանն էլ չի անդամագրվի
ԱԺ նախկին պատգամավոր, ԵԿՄ նախկին փոխնախագահ Մյասնիկ Մալխասյանը չի պատրաստվում անդամագրվել ՀԱԿ կուսակցությանը: Այս մասին 168.am-ի հետ զրույցում ասաց Մյասնիկ Մալխասյանը: «Կուսակցական չեմ եղել, այդկերպ էլ կշարունակեմ»,- իր որոշումը մեկնաբանեց նա՝ ավելացնելով, որ, չնայած դրան, շարունակելու է մնալ Լևոն Տեր-Պետրոսյանի և ՀԱԿ-ի համակիրը: Հիշեցնենք, որ ԱԺ նախկին պատգամավոր, «Ոգու փորձություն» հասարակական կազմակերպության նախագահ Հակոբ Հակոբյանը նույնպես օրեր առաջ 168.am-ի հետ զրույցում ասել էր, որ չի պատրաստվում դառնալ կուսակցական՝ դարձյալ նշելով նախկինում որևէ այլ կուսակցության անդամ չլինելու հանգամանքը:
