Երևանի Օրբելի փողոցոմ տեսախցիկը ֆիքսել է 11-րդ դասարանցի աղջկա վրաերթի պահը (տեսանյութ)
Ոստիկանության քննչական գլխավոր վարչության Երևանի քննչական վարչության ճանապարհատրանսպորտային հանցագործությունների քննության բաժնի քննիչ Անդրանիկ Փարսադանյանի կողմից նյութեր են նախապատրաստվում մարտի 4-ին Երևանում տեղի ունեցած վրաերթի փաստով:
Ինչպես հայտնում է ֆոտոլրագրող Գագիկ Շամշյանը, ժամը 16:40-ի սահմաններում Երևանի բնակիչ, 55-ամյա Վարուժան Ավետիսյանը, վարելով «Օպել» մակնիշի 33 PՍ 885 համարանիշի ավտոմեքենան, Օրբելի փողոցի 47 շեքի դիմաց վրաերթի է ենթարկում հետիոտնին՝ 16-ամյա Անահիտ Սահակյանին:
Վրաերթի ենթարկվածին օգնություն են ցուցաբերել քաղաքացիներ ու Օրբերլի 14 հասցեում գործող «Սեկոնեդ» անվտանգության համակարգերի խանութ սրահի աշխատակիցները և նրանց օգնությամբ էլ վրաերթի ենթարկվածը տեղափոխվել է «Արմենիա» բժշկական կենտրոն:
Ֆոտլրագրողը հայտնում է, որ «Սեկոնեդ» անվտանգության համակարգերի անվտանգության տեսախցիկը ֆիքսել է վրաերթի պահը, որտեղ հստակ երևում է, թե ինչպես է հետիոտնը, ով ի դեպ սովորում է Երևանի թիվ 83 դպրոցի 11-րդ դասարանում, հետիոտնի համար չթույլատրելի վայրով փորձում է անցնել և իր անուշադրության հետևանքով վրաերթի է ենթարկվում:
«Արմենիա» բժշկական կենտրոնից ֆոտոլրագրողին հայտնել են, որ նրա կյանքին և առողջությանը վտանգ չի սպառնում:
