Մտադիր ենք հաղթել Բարսելոնային և դուրս գալ եզրափակիչ. Օզիլ
Մադրիդի «Ռեալի» կիսապաշտպան Մեսութ Օզիլը խոսել է Իսպանիայի գավաթի կիսաեզրափակիչում «Բարսելոնայի» հետ կայանալիք դիմակայության մասին։
«Մեր նպատակն է ցուցադրել թիմի ողջ ներուժը և հաղթանակ տանել։ «Բարսելոնայի»« հետ խաղում պատրաստ ենք ամեն ինչ տալ հաղթանակի համար։ Գիտենք, որ մրցակիցը շատ ուժեղ է։ «Բարսելոնայի» կազմում մի շարք ուժեղ ֆուտբոլիստներ են հանդես գալիս, սակայն մենք նախընտրում ենք կենտրոնանալ սեփական խաղի վրա։
Մեր թիմը լավ մարզավիճակում է գտնվում և առաջին խաղն անց է կացնելու սեփական հարկի տակ։ Մտադիր ենք հաղթել մրցակցին, այդ հաղթանակը նվիրել երկրպագուներին ու դուրս գալ եզրափակիչ», – գերմանացի ֆուտբոլիստի խոսքերն է մեջբերում bwin-ը։
Մարզական լրահոսն ապահովում է SportArmenia.com-ը
