Սոլդադոն քննադատում է Ռեալին
«Վալենսիայի» հարձակվող Ռոբերտո Սոլդադոյին դուր չի եկել Մադրիդի «Ռեալի» հետ Իսպանիայի գավաթի 1/4 եզրափակիչ առաջին հանդիպման մրցավարությունը։
«Դժվար է գալ «Սանտիագո Բեռնաբեու» և տուժել մրցավարների սխալ որոշումներից։ «Վալենսիայում» բոլորը լռում են, մինչդեռ «Ռեալի» ֆուտբոլիստներն անընդհատ դժգոհում են։ Եվ ահա այդ բողոքների արդյունքը։
Այո, մրցավարը կարող է մեկ անգամ սխալվել, սակայն երբ խաղի ընթացքում այդքան սխալներ են լինում, դա պարզապես զարմանալի է։ Մրցավարները վախենում են սխալ որոշում կայացնել ի վնաս «Ռեալի»», – իսպանացու խոսքերն է մեջբերում Goal.com-ը։
Մարզական լրահոսն ապահովում է SportArmenia.com-ը
