Նյու-Յորքի կենտրոնական այգում լիցքավորված թնդանոթ են գտել
Նյու-Յորքի Կենտրոնական այգում պահվող թնդանոթը, որն օգտագործվել է ԱՄՆ անկախության համար մղվող պատերազմի ժամանակ, այսքան ժամանակ եղել է մարտական վիճակում։ Այդ մասին գրում է The New York Times-ը։
Մաքրելու նպատակով հեռացնելով բրիտանական թնդանոթի փողի կափարիչը՝ այգու աշխատակիցները այնտեղ հայտնաբերել են թնդանոթի ական և վառոդ։ Այգու ղեկավարները կանչել են սակրավորների, որոնք վնասազերծել են զենքը՝ թեքելով ներքև և գլորելով այնտեղից գնդակը։ Վառոդը հեռացնելուց հետո, նրանք գնդակը կրկին տեղադրել են փողի մեջ՝ որպես պատմական նմուշ։ Ոստիկանության ներկայացուցիչ Փոլ Բրաունի խոսքերով, վառոդը պահպանված է եղել մարտական վիճակում։
