49 ավտոմեքենա է դուրս բերվել ձնաբքից (լուսանկարներ)
Երեկ երեկոյան Մաստարա գյուղից մինչև Լանջիկ գյուղ տանող ճանապարհին բազմաթիվ ավտոմեքենաներ են մնացել ձնաբքի տակ: Shamshyan.com կայքի հաղորդմամբ` ոստիկաններն ու Թալինի ճանշինի աշխատակիցներն ավելի քան 6 ժամվա ընթացքում 49 ավտոմեքենա են դուրս բերել ձնաբքից:
Ֆոտոլրագրող Գագիկ Շամշյանը հայտնում է, որ ավտոմեքենաներում բազմաթիվ կանայք և երեխաներ են եղել: Ճանապարհի այդ հատվածում երթևեկությունը ժամանակավորապես դադարեցվել է:
