Արսեն Արշակյանը նշանակվել է Երևանի Գայի պետ

Այսօր՝ նոյեմբերի 29-ին, ՀՀ ոստիկանության պետ, գեներալ-լեյտենանտ Վլադիմիր Գասպարյանը հրամաններ է ստորագրել:

Ինչպես հայտնում է ֆոտոլրագրող Գագիկ Շամշյանը, ՀՀ ոստիկանապետի հրամանով, աշխատանքից ազատվել և կադրերի ռեզերվ է ուղարկվել Ճանապարհային ոստիկանության 1-ին սպայական գումարտակի հրամանատար Եղիշե Ենգիբարյանը:

Ոստիկանապետ Վլադիմիր Գասպարյանի մեկ այլ հրամանով, ՃՈ 1-ին սպայական գումարտակի հրամանատար է նշանակվել Արսեն Արշակյանը, ազատվելով ՃՈ 2-րդ սպայական գումարտակի հրամանատարի պաշտոնից:

Վլադիմիր Գասպարյանի մեկ այլ հրամանով, Ճանապարհային ոստիկանության 2-րդ սպայական գումարտակի հրամանատար է նշանակվել Սուրիկ Խուդոյանը՝ ազատվելով Ոստիկանության պետական պահպանության միավորման գնդի հրամանատարի պաշտոնից:

Shamshyan.com