Պուտինը կժամանի Հայաստան 2013 թվականին
Ռուսաստանի Դաշնության նախագահ Վլադիմիր Պուտինն ամենայն հավանականությամբ Հայաստան կայցելի 2013 թվականի սկզբին: Այս մասին գրում է ռուսաստանյան «Ռեգնում» լրատվական գործակալությունը` մեջբերելով Ռուսաստանի Դաշնային խորհրդի անդամ Նիկոլայ Ռիժկովի խոսքերը: «Ըստ Ռիժկովի` այցելության կոնկրետ ամսաթիվը դեռևս անհայտ է»,- գրում է «Ռեգնումը»:
Ըստ կայքի՝ Հայաստանի նախագահ Սերժ Սարգսյանն օգոստոսին Մոսկվա կատարած աշխատանքային այցի ժամանակ հրավիրել էր իր ռուսաստանյան գործընկերոջը` Պուտինին, այցելելու Հայաստան` նրա համար ցանկացած հարմար ժամանակ, իսկ ավելի շուտ հաղորդվում էր, որ Պուտինը Հայաստան կգա սեպտեմբերին` ՀԱՊԿ օպերատիվ արձագանքման հավաքական ուժերի «փոխգործակցություն-2012» զորավարժություններին մասնակցելու համար, սակայն այցն այդպես էլ չկայացավ:
