Գուշակությամբ չեմ ուզում զբաղվել. Գագիկ Ջհանգիրյան
«ԱԺ ՀԱԿ խմբակցությունը Սահմանադրական դատարանին ներկայացվող դիմումը այսօր քննարկման է առաջարկել խորհրդարանական ընդդիմությանը»: Այս մասին 168.am-ին ասաց ՀԱԿ խմբակցության պատգամավոր Գագիկ Ջհանգիրյանը:
Հիշեցնենք, որ ՀԱԿ-ը պատրաստվում է դիմել Սահմանադրական դատարան՝ քննարկելու համար նոյեմբերի 21-ին ԱԺ արտահերթ տապալված նստաշրջանի հարցը:
ՍԴ դիմելու համար ՀԱԿ-ին անհրաժեշտ է 27 պատգամավորի ստորագրություն, սակայն առայժմ այն ստորագրել են միայն ՀԱԿ պատգամավորները:
«Սահմանադրական դատարանին ներկայացվող դիմումը հիմա գտնվում է քաղաքական ուժերի մոտ, նրանք ծանոթանում են ու իրենք կորոշեն իրեց մասնակցության հարցը»,- ասաց Գագիկ Ջհանգիրյանը:
Հարցին, թե արդյոք կհաջողվի՞ անհրաժեշտ 27 ստորագրությունը հավաքել, Գագիկ Ջհանգիրյանը պատասխանեց. «Հենց խորհրդարանական ուժերը քննարկեն, որոշեն միանալ նախաձեռնությանը, կստորագրեն, այն ժամանակ էլ կտեսնենք. ես հիմա գուշակությամբ չեմ ուզում զբաղվել»:
