ՀՀԿ-ն` ԲՀԿ-ին. «ՀՀԿ-ն կողմնակից է այն թեկնածուներին, ովքեր վառոդի ծխից չեն փախչի»
ՀՀԿ-ն կողմնակից է այն թեկնածուներին, ովքեր վառոդի ծխից չեն փախչի: Այս մասին Shamshyan.com-ի թղթակցի հետ զրույցում ասել է ԱԺ ՀՀԿ խմբակցության ղեկավար Գալուստ Սահակյանը` արձագանքելով ԲՀԿ նախագահ Գագիկ Ծառուկյանի և ԱԺ ԲՀԿ-ական պատգամավոր Վարդան Օսկանյանի հավանական առաջադրմանը:
Հարցին, թե Վարդան Օսկանյանը իր ֆեյսբուքյան էջում գրել էր, որ Գագիկ Ծառուկյանը առաջարկել է Վարդան Օսկանյանի թեկնածությունը, իսկ կուսակցությունը` Գագիկ Ծառուկյանի, Դուք նախագահական ընտրություններում Գագիկ Ծառուկյանի՞ն, թե՞ Վարդան Օսկանյանին կցանկանայք ձեզ մրցակից տեսնել, Գալուստ Սահակյանը պատասխանել է:
«Ալվարդ Պետրոսյանը երեկ շատ դիպուկ հայտարարություն արեց: Մենք կողմնակից ենք այն թեկնածուներին, ովքեր վառոդի ծխից չեն փախչի»:
Հարցին, թե՝ «վառոդի ծուխ» ասվածի մեջ ինքնին սպառնալիք կար, ի՞նչ ծխի մասին է խոսքը, ԱԺ ՀՀԿ խմբակցության ղեկավարը պատասխանել է.
«Վառոդի ծխի: Պատերազմող երկրի նախագահը պետք է պատրաստ լինի այդ մեծ պատասխանատվությունը վերցնելու»:
