Շմոլ գազի հետևանքով մահացել է հարկային ծառայության իրավաբանը

Երեկ` նոյեմբերի 16-ին, ժամը 22.00-ի սահմաններում շտապօգնության 1-03 բժշկական բրիգադը ահազանգել է Ոստիկանության Արաբկիրի բաժին, որ Ջրաշատի փողոցի թիվ 90 տանը երիտասարդ տղայի դի կա:

Ինչպես հայտնում է ֆոտոլրագրող Գագիկ Շամշյանը, նշված հասցե մեկնած Ոստիկանության Արաբկիրի բաժնի օպերատիվ խումբը` Արաբկիրի ոստիկանապետ Գրիշա Ամիրխանյանի գլխավորությամբ պարզել է, որ մահացածը 23-ամյա Կ.Ֆանարջյանն էր, որը ըստ նախնական տեղեկությունների մահացել է շմոլ գազի թունավորումից:

Ըստ դատաբժշկի` արտաքին զննությամբ դիակի վրա բռնության հետքեր չեն հայտնաբերվել:

Փաստի առթիվ Ոստիկանության քննչական գլխավոր վարչության Երևանի քննչական վարչության Արաբկիրի քննչական բաժնի քննիչի կողմից նյութեր են նախապատրաստվում, նշանակվել են մի շարք փորձաքննություններ:

Ֆոտոլրագրողը հայտնում է, որ Կ.Ֆանարջյանն աշխատում էր Պետական եկամուտների կոմիտեի Մաշտոցի տարածքի հարկային ծառայությունում` որպես իրավաբան:

shamshyan.com