Ինտերնետի արգելափակումն անհնար է
Առջևում ՀՀ նախագահական ընտրություններն են: Ինչպե՞ս ինտերնետը կօգտագործեն քաղաքական ուժերը և թեկնածուները քարոզարշավի ընթացքում: Ինչպիսի՞ դրսևորումներ կստանա մրցապայքարը: 2008թ. նախագահական ընտրություններին հաջորդած քաղաքական թեժ իրադարձությունների ընթացքում որոշ լրատվական կայքերի մուտքն անհնարին դարձավ: Հնարավո՞ր է, որ այս անգամ էլ իշխանությունները «ռուբիլնիկն անջատեն»` զրկելով ինտերնետից և առցանց տեղեկատվությունից:
Տեղեկատվական անվտանգության հարցերով փորձագետ Սամվել Մարտիրոսյանի համոզմամբ` ՀՀ-ում այդ արգելափակումը չի կարող աշխատել. որքան շատ են լինում սահմանափակումները, այնքան մարդիկ ավելի են հետաքրքրություն ցուցաբերում:
Նույնիսկ Չինաստանում, որտեղ անգամ հատուկ կիբեռ-ոստիկանություն կա, ինտերնետի արգելափակումը չաշխատեց: Ս. Մարտիրոսյանը` անդրադառնալով Եգիպտոսում քաղաքական խռովությունների ընթացքում ինտերնետն ամբողջությամբ անջատելու փորձին, նկատել է. «Այդպիսով առաջին հերթին ինքը` իշխանությունն է իրեն շրջափակման ենթարկում, և ինքն էլ չի ունենում ինտերնետի հնարավորություն: Բայց չէ՞ որ այդ ինտերնետն իշխանություններին պետք է նաև սեփական քարոզչությունն իրականացնելու համար»:
Հարցազրույցն ամբողջությամբ՝ այստեղ.
