«Մահացած բանվորը ՀՀԿ գրասենյակի տանիքից չի ընկել»
«27-ամյա Դավիթ Գևորգյանը մահացել է ոչ թե Հանրապետական կուսակցության շենքի, այլ այդ շենքին կից իրականացվող մեկ այլ շենքի շինաշխատանքների ժամանակ, որն ընդհանրապես կապ չունի ՀՀԿ-ի հետ»,- Pastinfo.am-ի թղթակցի հետ զրույցում ասել է Ոստիկանության լրատվության և հասարակայնության հետ կապերի վարչության աշխատակից Արմեն Մալխասյանը: Ըստ նրա՝ կատարվում է քննություն: Իրականացվում է դատաբժշկական փորձաքննություն, որի եզրակացությունն այժմ դեռ չկա:
Հիշեցնենք, որ այսօր մամուլում տեղեկատվություն տարածվեց՝ համաձայն որի Հանրապետական կուսակցության շենքի շինաշխատանքների ժամանակ` սեպտեմբերին, մահացել է շինարարական աշխատանքներն իրականացնող բանվորներից մեկը` 27-ամյա Դավիթ Գևորգյանը: ՀՀԿ խմբակցության քարտուղար Հովհաննես Սահակյանը «Հրապարակ»-ի հետ զրույցում հերքել էր լուրերը, ասելով, որ նման միջադեպ չի եղել, և դա ընդամենը մամուլի «մտքի թռիչքն է»:
