
Մոնտոլիվո. Ինձ դուր եկավ, որ Միլանը բնավորություն ցույց տվեց

«Միլանի» կիսապաշտպան Ռիկարդո Մոնտոլիվոն, ով Իտալիայի առաջնության 10-րդ տուրում «Պալերմոյի» հետ խաղում (2:2) դարձել էր գոլի հեղինակ, ընդգծել է, որ իր թիմը բնավորություն ցուցադրեց:
«Ցավոք առաջին խաղակեսում անուշադրության պատճառով մենք սխալներ թույլ տվեցինք: Սակայն հետո լավ մակարդակի խաղ ցուցադրեցինք»,-ֆուտբոլիստի խոսքերն է մեջբերում Tmw-ն:
«Ինձ դուր եկավ, որ «Միլանը» բնավորություն ցույց տվեց, քանի որ իրավիճակը շտկելն այնքան էլ հեշտ չէր: Խփածս գոլը ես նվիրում եմ բոլոր նրանց, ովքեր աջակցել են ու շարունակում են աջակցել ինձ»:
Մարզական լրահոսն ապահովում է SportArmenia.com-ը