Մոուրինյոն Էսյենին համեմատել է Բաջոյի, Բարեզիի, Ռամոսի ու Խեդիրայի հետ
Իսպանիայի առաջնության 9-րդ տուրում «Մալյորկային» պարտության մատնելուց (5:0) հետո Մադրիդի «Ռեալի» գլխավոր մարզիչ Ժոզե Մոուրինյոն կարծիք է հայտնել իր թիմի կիսապաշտպան Մայքլ Էսյենի մասին:
«Լրագրողները 2 տարի քննադատում էին Սամի Խեդիրային, իսկ այժմ ասում են, որ «Ռեալն» առանց նրա չի կարող: Ես այդ հարցերին լուրջ եմ մոտենում: Էսյենին համեմատում եմ այն ֆուտբոլիստների հետ, ովքեր վրիպում են ետխաղյա 11 մետրանոցների ժամանակ: Պատմության մեջ մնում են հենց նրանք, ովքեր վրիպում են, մարդիկ չեն հիշում նրանց, ովքեր հրաժարվում են խփել, խուսափում են: Կարող եմ տալ Ֆրանկո Բարեզիի, Ռոբերտո Բաջոյի և Սերխիո Ռամոսի անունները: Էսյենը խաղում է այն դիրքում, որտեղ ես եմ նրան հրահանգում: Եվ խաղում է նույն վճռականությամբ, որով եկել է Մադրիդ՝ համաձայնվելով աշխատավարձի կտրուկ նվազմանը»,- Մոուրինյոյի խոսքերն է մեջբերում Marca-ն:
Մարզական լրահոսն ապահովում է SportArmenia.com-ը
