Ռեալը պարզապես ոչնչացնում է հակագրոհների ժամանակ. Խոակին Կապարոս
«Մալյորկայի» գլխավոր մարզիչ Խոակին Կապարոսը Մադրիդի «Ռեալի» հետ հանդիպումից առաջ նշել է, որ մրցակցի գլխավոր զենքը հակագրոհներն են:
«Ես իմ խաղացողներին ասել եմ, որ նրանք պետք է անմիջապես վերադառնան գնդակը կորցնելու հետո: Մադրիդցիները պարզապես ոչնչացնում են հակագրոհների ժամանակ: Նրանք շատ արագ հարձակվողներ ունեն, ովքեր կարող են մի քանի վայրկյանում գնդակը հասցնել մրցակցի տուգանային հրապարակ: Իհարկե, մենք պետք է փորձենք չկորցնել գնդակը: Թե ինչքանով դա կհաջողվի մեզ, կտեսնենք հանդիպման ընթացքում», – Կապարոսի խոսքերը մեջբերում է AS-ը:
Նշենք, որ «Մալյորկա» – «Ռեալ» հանդիպումը տեղի կունենա այսօր Երևանի ժամանակով 00:30-ին:
Մարզական լրահոսն ապահովում է SportArmenia.com-ը
