Սուբիսարետան հերքել է Նեյմարի տեղափոխության մասին լուրերը
«Բարսելոնա» ֆուտբոլային ակումբի մարզական տնօրեն Անդոնի Սուբիսարետան հերքել է բրազիլացի հարձակվող Նեյմարի տրանսֆերի շուրջ կնքված համաձայնության մասին լուրերը: Հաղորդում է Canal+ հեռուստաալիքը:
«Նեյմարը պատկանում է «Սանթոսին» մինչև 2014 թվականը: Ես անգամ չեմ կարող պատկերացնել, թե որտեղից է դուրս եկել նման տեղեկություն, այն չի համապատասխանում իրականությանը», – ասել է նա:
Հիշեցնենք, որ վերջերս մամուլում տեղեկություն էր հայտնվել, թե «Բարսելոնան» «Սանթոսին» արդեն վճարել է բրազիլացի աստղի տրանսֆերի մի մասը:
Մարզական լրահոսն ապահովում է SportArmenia.com-ը
