Բուֆոն. Հաճույքով եմ հիշում Բ սերիան
«Յուվենտուսի» դարպասապահ Ջանլուիջի Բուֆոնը հուսով է, որ դեռ առնվազն 3 տարի հանդես կգա թուրինյան ակումբում:
««Յուվենտուսի» կազմում հանդես եմ գալիս արդեն 12 տարի: Այստեղ եմ անցկացրել կարիերայիս գրեթե կեսը: Հուսով եմ, որ դեռ երկար կմնամ այստեղ և կհասնեմ 15 տարվա սահմանին: Ոչ բոլորը կարող են հպարտանալ, որ այդքան երկար ժամանակ թիմի կարևոր մասնիկ են հանդիսացել:
Ոչ մի բանի համար չեմ ափսոսում: Առաջի 5 տարիները պարզապես ֆանտաստիկ էին` չնայած, որ Չեմպիոնների լիգայում երբեմն վատ էինք հանդես գալիս: Կար ժամանակ, որ Եվրոպայի ուժեղագույն թիմն էինք, բայց Չեմպիոնների լիգան չհաջողվեց հաղթել:
Բ սերիան նույնպես հաճույքով եմ հիշում: Այլ թիմ տեղափոխվելը շատ հեշտ էր, բայց ես պարտք էի երկրպագուներին: Ուզում եմ նախքան կարիերայիս ավարտը կարևոր բան նվաճել «Յուվենտուսի» հետ»,- ֆուտբոլիստի խոսքերն է փոխանցում Goal.com-ը:
Մարզական լրահոսն ապահովում է SportArmenia.com-ը
