Մահացել է Կլիչկո եղբայրների հանրահայտ մարզիչը
Այսօր կյանքի 69-րդ տարում մահացել է բռնցքամարտի հայտնի մարզիչ Էմանուել Ստյուարդը։ Վերջին շրջանում հաղորդվել էր, որ Ստյուարդը վիրահատվել է, սակայն նրա վիճակը կարգավորվում էր։ Իսկ Կլիչկոները հայտնում էին, որ շուտով Ստյուարդը կմասնակցի նաև Կլիչկոների մենամարտերին և մարզումներին։ Էմանուել Ստյորարդի մահվան լուրը Twitter միկրոբլոգերի իր էջում հայտնել է Ջոնաթան Բենքսը, ով ներկայում ժամանակավոր կատարում է Ստյուարդի պարտականությունները։
Մեր օրերի ամենահայտնի մարզիչներից մեկի ղեկավարությամբ աշխարհի չեմպիոններ են դարձել այնպիսի անվանի բռնցքամարտիկներ, ինչպիսիք են Էվանդեր Հոլիֆիլդը, Խուլիո Սեզար Չավեսը, Լենոքս Լյուիսը, Օսկար դե լա Խոյան և այլն։
Մարզական լրահոսն ապահովում է SportArmenia.com-ը
