Պեդրո. Բարսելոնան երբեք չի հանձնվում
«Բարսելոնայի» հարձակվող Պեդրո Ռոդրիգեսն ամփոփել է Չեմպիոնների լիգայի խմբային փուլի 3-րդ տուրում «Սելթիկի» դեմ հանդիպումը (2:1):
«Մենք մի քանի հանդիպումներ ենք ունեցել, որտեղ ստիպված ենք եղել հաղթել առաջինը գոլ բաց թողնելուց հետո: Դա երբեք հեշտ չի լինում, և պետք է արժանին մատուցել թիմին: «Բարսելոնան» երբեք չի հանձնվում:
Ես ինձ լավ էի զգում խաղադաշտում, ցավոք, բախտս չբերեց սուր գրոհների ժամանակ, թեև ոչ միայն իմ, այլև` ողջ թիմի»,-ֆուտբոլիստի խոսքերն է մեջբերում կատալոնացիների պաշտոնական կայքը:
Մարզական լրահոսն ապահովում է SportArmenia.com-ը
