Մխիթարյանի մրցակիցները նրան ցանկանում են տեսնել պահեստայինների նստարանին
«Իլյիչևեցի» կիսապաշտպան Վիտալի Ֆեդոտովը խոսել է այսօր Ուկրաինայի առաջնության 12-րդ տուրի շրջանակներում «Շախտյորի» հետ կայանալիք հանդիպման մասին։ Ֆուտբոլիստը պատասխանել է Sport Express-ի թղթակցի հարցերին։
Ինչպե՞ս կարող է «Իլյիչևեցը» միավորներ նվաճել «Դոնբաս Արենայում»։
– Դժվար հարց է։ Այս թիմին այժմ ոչ ոք չի կարողանում հաղթել։ «Շախտյորի» ֆուտբոլիստները լավ մարզավիճակում են գտնվում։ Պետք է առավելագույն կենտրոնացվածություն դրսևորենք և ջանք չխնայենք, որպեսզի պատվով դիմակայենք այս ակումբին։
Մրցակից թիմի ո՞ր ֆուտբոլիստին կնստեցնեիք պահեստայինների նստարանին, որպեսզի չմասնակցեր ձեր դեմ խաղին։
– Հենրիխ Մխիթարյանին։
Եկեք ևս 2 ֆուտբոլիստի նստեցնենք պահեստայիններին։
– Համաձայն եմ։ Այդ ժամանակ Հենրիխի հետ միասին զույգ կկազմեն Վիլիանն ու Սռնան։
Հիշեցնենք, որ «Շախտյոր» – «Իլյիչևեց» հանդիպումը կկայանա Դոնեցկում, 20։00-ին։
Մարզական լրահոսն ապահովում է SportArmenia.com-ը
